Tuesday, 10 April 2018

poetry main khud se Ulajh Betha Hoon

sad boy
Add caption


Mah'Jabeenon Ki Adaon Se Ulajh Betha Hoon.....

Iska Matlab Hai Balaoon Se Ulajh Betha Hoon.....

Baab-E-Taseer Se Nakam Palat Aai Hain.....

Is Liye Apni Duaon Se Ulajh Betha Hoon.....

Teri Dehleez Pe Jhuknay Ka Sawal Aaya Tha.....

Main Zamanay Ki Anaoon Se Ulajh Betha Hoon....

Jo Musafir K Liye Ba'is-E-Taskeen Nahi.....

Aisay Ashjaar Ki Chhaoon Se Ulajh Betha Hoon....

Jo Ghareebon Ka Diya Phoonk K Tham Jati Hain.....

Aisi Kam'Zarf Hawaoon Se Ulajh Betha Hoon.....

Arsh Walay Meri Toqeer Salamat Rakhna.....

Farsh K Saray Khudaoon Se Ulajh Betha Hoon....

No comments:

Post a comment